Be-raham o jalimo....,

Aasuo k nahar ruke...
Palko k kinaare par,
Sadako par pade gareeb...
Hai kinke sahaaro par?
Hai roshani yaha jugo se...
Aashmaa k taaro par,
Julm kyu hota hai...
Har naseeb k maro par?



Be-raham-o-jalimo...
Unke bhi kuch armaan hai,
Such kahta hoon tum haiwaan...
Or wo insaan hai,
Dhokhebaaji or vishwasghat se...
Wo bilkul anjaan hai,
Unki karlo tum puja...
Wo eshwar samaan hai,



Kitna kahu es jamaane se...
Koi kuch sunta nahi,
Subka chaahe jo bhala...
Aesi ye janta nahi,
Swaarth se ye jamaana...
Koi cheez banta nahi,
Kisi ki roti cheen lena...
Kaam ko mahaanta nahi,



Gareeb odh lete hai...
Hatho se kheech kar gagan,
Jeene ke liye unhe...
Milta hai thanda pawan,
Dukh ka har saagar...
Thaam kar baithe unke nayan,
Kavita ka roop de...
Likh kar laya hai BALVAN,





" mujhe apne dad ki ek style pasand hai... Or wo ye ki wo apne jyadatar kavitao ko apne name (balvan) par khatam karte hai.....maine kafi kosish ki apne poem ko es tarah khatam karne ki....but filhaal kosish jaari hai..."

Katal-e-aam...

Nazro ko jhuka kar hume...
Husn walo ne salaam kiya,
Bhari hui mahfil me...
Aakar katal-e-aam kiya,
Humari wafa ka unhone...
Bahut accha enaam diya,
Nazare humse milakar...
Jahar se bhara jaam diya,



Muhabbat ki chaah me humne...
Duniya ka kaam tamaam kiya,
Aakhir usi ne rang badal kar...
Hume hi elzaam diya,
Laila ki chaah me kab...
Majanu ne araam kiya,
Husn walo ne to yaha...
Aashiqo ka jeena haraam kiya,



Phool kahte hai jishe...
Wahi hote hai kaanto k daaman,
Paagal hota hai yaha jo...
Julfo ko kahta hai saawan,
Na khija hai, na bahaar hai...
Aisa hai ek chaman,
Usi chaman me baith kar...
Likhta hai kavita BALVAN,






"again..my dad end this poem with his name balvan...i like his style....and for me its 90% right what he tellng throug his poem...lots of lover facing this type of problem in their love life....by the way...i like this poem coz of its truthness...no filmy type romantic dialoug...jo bola khol k bola...such bola.."

Suraj aag barsaaye....

Dhoop me sharir jala kar...
Do rupaye kamaaye,
Pati, patni teen bucche...
Kish kish ko wo khilaaye,
Paise wale dekho aaj...
Apne kutto ko dudh pilaaye,
Majdoor ka baccha yaha...
Paani bhi na paaye,



Pet me angaar hai...
Maathe pe pasinaa,
Us par suraj aag barsaaye...
Kaisa enka jeena,
Fat jaye dil agar to...
Aasuo se seena,
Bhook agar lag jaye to...
Thanda paani peena.






"i like this poem....but me too write a poem on this same topic...bt m not talking bout only poverty...m tryng to show the reason of poverty in our country..n poor men life throug my poem...you can read my this poem on this blog...label is my hindi poem...poem name is EK KAHAANI....."

Dost umrabhar ka.....

Es pahar jo mila...
Wo us pahar na mila,
Yaani es subah jo mila...
Wo us shaam na mila,
Kahne ko zindagi...
umro me guzari hai humne,
Par koi b dost umar bhar ka...
Hume umar bhar na mila.






"very short n simple poem written by my dad...in this poem my dad tells how people come in our life for few times and say only..hello, hi and bye !!
....but nobody make us feel that there is smone like a gud frnd who understand our feelngs,problem...."

Dard.....

Aisi kahaani bani zindagi...
Kisi ko sunaya nahi jata,
Itane tukade hue dil ke...
Ki phir chupaya nahi jata,
Har dam rota hai dil mera...
Ese hasaya bhi nahi jata,
Es tarah toota mahal...
Ki phir banaya b nahi jata,





"in this short poem my dad tell a broken heart boy condition...a boy who cant share his problem..n cant cry infront of people,frnds and relative..bt cnt act to show that he still happy..."

Seese ka dil hai humara.....

Sheese ka dil hai humara...
Chaho to sanam tod ke dekho,

Na rah sakoge bin humare...
Chaho to sanam chor ke dekho,

Khojegi aakhein tumari hume,
Aansho bahaayegi har pal.
Milega na chain enko...
Chaho to nazar mor ke dekho.

Muhabbat me ghadiya gam ki,
Kategi na tumse akele.
Darogi apne hi saaye se tum...
Chaho to kuch ghadiya gin k dekho..

Ab to marna hi gavaa lagta hai.....

Ab to marna hi gavaa lagta hai...
Muskurana b bura lagta hai.

Ab to zindagi me rah gaya hu tanha...
Jara si aahat ho to b bura lagta hai.

Sare bazaar ghuma main apno ki talash me...
Jo b milta hai bus khafaa lagta hai,

Ab to jine ka mujhe sauk nahi...
Mar jana hi bhala lagta hai.

Game haale jigar sunau kisko...
Kisi se baat karna b bura lagta hai.

Ab to chain milega jakar shamshaan me...
Duniya k es sehar me rahna b bura lagta hai.

Na khao kasam humari.....

Na khao kasam humari...
Jhuthe hote hai kasam khane wale,

Roya karte hai yaha aksar...
Ujaalo me khwaab dekhane wale,

Naam se naam judte dekha hai humne...
Jhuthe hote hai naam jodne wale.

Kya jodenge wo dil humara...
Jo khud ko hi hai todne wale.

Kya sath denge wo humara...
Jo khud hi hai jahaa chorne wale.

Hai kitne deewaane log....

Hai kitne dewaane log...
Aaye hai mujhe samjhaane log,

Be-raham jahaa me jo mil jata chain...
To kyu jaate maykhaane log,

Jaan kar sub kuch. Kuch bhi na jane...
Hai ye kitane anjaane log.

Waqt pe kaam bhi nahi aate...
Ye jaane pahchaane log.

Ab jab mujhko hosh nahi hai...
Aaye hai mujhko samjhaane log.

Aaj ye humara nara hai.....

Na luto hume lutane walo...
Luta hai hume hazaaro ne.
Khiza se hum darte nahi...
Luta hai hume bahaaro ne.
Yaha tak aane ka pata...
Diya hume sitaaro ne.
Yeh gaaon bad-nashibo ka hai...
Bataya taqdeer k maaro ne.



Gareeb hai hum yaha...
Hum par kisi ka aitbaar nahi.
Sharafat k alawa...
Apne paas koi rozgaar nahi.
Roti k siwa apne ko...
Kisi se bhi pyaar nahi.
Bhukhe pet ka yaha par...
Hota koi yaar nahi.



Sukhi roti ka tukda...
Humara ek sahara hai.
Uske liye jag chor dena...
Humko aaj gawara hai.
Charo taraf duniya me aaj...
Bhukhe-nango ka nazara hai.
Jitna kama sako kama lo roti...
Aaj humara ye nara hai.






"papa ji ki kavitaaye (poem) humesha kathor succhai par hoti hai...or esliye jyadatar kavitaao me kathor shabdo ka prayog karte hai...jo topic ko or bhaawnao ko...khulkur saamne rakhte hai......."

Majhdhaar hi teri raah..........(my fav.)

Majhdhaar me hai naiyya...
Bahut door hai kinara.
Dil to dhunde maanjhi...
Najdeek ka sahara.
Patwaar se hai napa babu...
Saagar ka har dhara.
Wahi le chalungaa...
Jaha ho tumhe gawara.



Waha le chalo jaha...
Koi apna mil jaaye.
Jindagi ka koi suhana...
Sapna mil jaaye.
Bhule hue gam kabhi...
Waha yaad na aaye.
Tumhe na malum ho maanjhi...
To pucho, koi to bataaye.



Laakho dil aaye babu...
Subko kinaare laga diya.
Tute hue dil ko maine...
Muhabbat se mila diya.
Par har raahi ne mujhko...
Aaj tak kyu saza diya ?
Kuch paise de mujhe...
Wapas majhdhaar ki or bhaga diya.



Manjil tak pahoonch kar babu...
Tum bhi sayad wahi doge.
Esliye tumne pucha us kinaare...
Bolo maanjhi kya loge.
Saahil tak pahunch kar babu...
Mera intizaar bhi na karoge.
Tumhe aana hoga jaldi to...
Dusra maanjhi bhi dhundh loge.



Pahuncha de maanjhi enko waha...
Jaha enki chaah hai.
Na-samajh duniya na samajhegi...
Wo tere dil ki aah hai.
Gami dil bhi saahil tak pahunch kar...
Karta yaha waha hai.
"BALVAN" kahe tujhse maanjhi...
Majhdhaar hi teri raah hai.








"its my favourite poem written by my dad..its really meaning full, and say many thngs throung a simple story in this poem...
Aksar main khud ko apni life me ek maanjhi ki tarah feel kiya hai jiske dil ka haal mere dad k poem me bataya gaya hai..
This poem really very close to my heart......"